Türkiyənin şərqindəki Qars vilayətinin Akyaka rayonunda Doğuqapı-Axuryan və Alixan-Marqara keçid məntəqəsinin açılmasına hazırlıq gedir.

Manset.az xəbər verir ki, bu barədə Ermənistan Milli Təhlükəsizlik Xidməti Türkiyə tərəfində minalardan təmizləmə işlərinin aparılmasına münasibət bildirərkən deyib.

MTX qeyd edib ki, sərhədin açılmasına dair bu ayın əvvəlində razılıq əldə olunub və quru sərhədi üçüncü ölkə vətəndaşları üçün açılacaq.

Qeyd edək ki, iyulun 25-də Türkiyə mediası mina partlaması nəticəsində bir nəfərin yaralandığını bildirib.