ABŞ Çinlə mümkün müharibədə bu ölkənin komanda nəzarət mexanizmiNİ və logistikasını hədəfə alacaq.

Publika.az xəbər verir ki, bu barədə ABŞ Dəniz Piyadalarının komandiri, general David Berqer deyib.

Hudson İnstitutunda çıxış edən D.Berger Dəniz Piyadalarının hərbi doktrinasından danışıb.

Onun sözlərinə görə, logistika artıq kəşfiyyat qədər vacib amildir.

“Ukrayna müharibəsi göstərdi ki, əməliyyat planında logistika nəzərə alınmalıdır. Çin kimi ölkə ilə mümkün müharibədə ilk olaraq komanda nəzarət mexanizmi və logistika olacaq. Çin də eyni planı qurur. Son 20 ildə Çin ordusu mümkün müharibədə ABŞ-ın komanda nəzarət mexanizmini və logistikanı necə zəiflədəcəyi üzərində araşdırmalar aparır”, - amerikalı general bildirib.