Rusiyalı siyasətçi Andrey Turçakın Xersona səfər edərkən dediyi sözlərlə səs-küy yaradıb.

Sfera.az bildirir ki, Kreml rəsmisi Dünyaya Ukraynanın keçmişə qayıtmasının mümkün olmayacağı barədə xəbərdarlıq edib. Turçak söyləyib ki, ruslar və ukraynalılar Rusiya qüvvələri tərəfindən ələ keçirilən ilk böyük şəhər olan Xersonda "birlikdə yaşayacaqlar". Beləliklə, ilk dəfə yüksək rütbəli rusiyalı rəsmi Moskvanın Ukrayna torpaqlarında yerləşmək niyyətini açıq şəkildə ifadə edərək, Rusiyanın Ukraynanın cənubunda "əbədi” qalacağını iddia edib.

Hakim "Vahid Rusiya” partiyasının yüksək vəzifəli üzvü Andrey Turçak, "Rusiya həmişəlik buradadır. Buna heç bir şübhə olmamalıdır. Biz birlikdə yaşayacağıq, tarixi irslə, burada yaşayan insanlarla zəngin bu rayonu inkişaf etdirəcəyik”, - deyə bildirib.

Digər tərəfdən, Xerson Rusiya qüvvələri şəhəri və onun ətrafını nəzarətə götürəndən bəri ciddi dərman, pul və ərzaq çatışmazlığından əziyyət çəkir. Turçak bildirib ki, Moskva şəhərdə humanitar mərkəz açacaq.