Türkiyə Müdafiə Nazirliyi Qara dənizdə, Bolqarıstanla sərhədə yaxın ərazidə mina aşkarlayıb.

Axar.az xəbər verir ki, bu barədə Türkiyə Müdafiə Nazirliyi məlumat yayıb.

“Bu gün səhər İynəada sahillərində (Qara dənizin qərb sahili - red.), Bolqarıstanla sərhədə yaxın ərazidə mina aşkar edilib və bölgənin sualtı müdafiə qrupları (SAS) operativ şəkildə hadisə yerinə göndərilib. Onun zərərsizləşdirilməsi üçün işlərə başlanılıb”, – məlumatda deyilir.

Türkiyə Müdafiə Nazirliyi məsələ ilə bağlı Moskva və Kiyevlə danışıqlar apardığını açıqlayıb. Boğaz gəmilərin hərəkəti üçün bir müddət bağlanıb, sonradan gəmilərin hərəkəti bərpa edilib.

Qeyd edək ki, ötən gün İstanbul boğazı istiqamətində də iki mina aşkarlanmışdı.