Martın 19-da qondarma rejimin rəhbəri Arayik Arutyunyan Təhlükəsizlik Şurasının iclasını keçirib. Alp.az erməni mediasına istinadən xəbər verir ki, iclasda əsas məsələ son bir ay ərzində ermənilərin Qarabağı kütləvi şəkildə tərk etməsi məsələsi müzakirə edilib. İclasda qərara alınıb ki, Qarabağda qaçanlar rus sülhməramlıların dəstəyi ilə geri qaytarılsın. Həmçinin Qarabağdan qaçan ermənilərə sərt cəzalar veriləcəyi qərara alınıb. Erməni fəal Naira Kirokosyan bildirib ki, Xankəndi polisinə tapşırılıb ki, Qarabağın çıxış edən bütün ermənilər ciddi yoxlanılsın.

“Qaçan ermənilərin sayı olduqca çoxdur. Sosial vəziyyətin pisliyindən ailələr Qarabağdan qaçır. Xankəndi demək olar ki, tamam boşalıb. Binalarda yaşayan əhalinin vəziyyəti acınacaqlıdır. Məhz buna görə Qarabağdan çıxış sərtləşdirilib.Yeni qərarla Qarabağdan qaçan məcburi əməyə cəlb ediləcək. Bir sözlə burada Şimali Koreya kimi bir sistem qurublar” – Naira Kirokosyan bildirib.