Vəkil Azər İsmayılovun avtomobilinin yanması ilə bağlı araşdırma başlanılıb.

Bunu e-huquq.az-a açıqlamasında Daxili İşlər Nazirliyinin Mətbuat Xidmətinin rəisi, polis polkovniki Ehsan Zahidov deyib.

O bildirib ki, hazırda hadisə ilə əlaqədar Zaqatala Rayon Polis Şöbəsində müvafiq araşdırmalar aparılır.

"Nəqliyyat vasitəsində yanğının hansı səbəbdən baş verməsi ilə əlaqədar araşdırma aparılır. Maşının yanma səbəbi müəyyən edildikdən sonra bununla bağlı məlumat veriləcək", - deyə E.Zahidov qeyd edib.

Qeyd edək ki, oktyabrın 17-i gecə saatlarında Zaqatalada Vəkillər Kollegiyasının üzvü Azər İsmayılova məxsus avtomobil yanıb. Vəkil avtomobilinin qəsdən yandırıldığını iddia edir.

Xəyalə Bünyatova