Oktyabrın 14-ə olan statistikaya görə, 357 yeniyetmə vaksinasiyada iştirak edib. Peyvənd olunanlar arasında hər hansı ağırlaşma yaxud fəsad qeydə alınmayıb.

Bu Anews.az-ın sorğusuna cavab olaraq Səhiyyə Nazirliyinin mətbuat xidmətindən bildirilib.

Hazırkı epidemioloji vəziyyəti, Avropa Dərman Agentliyi, Amerika Ərzaq və Dərman Administrasiyasının yeniyetmələrə mRNT Pfizer ("Comirnaty”) peyvəndinin vurulmasına rəsmi icazələrini nəzərə alaraq Səhiyyə Nazirliyinin Elmi-Tibbi Şurası vaksin vurula biləcəyi ilə bağlı qərar qəbul edib.

Bakıda və bölgələrdə olan 12-15 yaşı tamam olmuş yeniyetmələrə hər iki valideynin razılığına əsasən peyvəndlənmə mərkəzləşdirilmiş şəkildə Bakı Sağlamlıq Mərkəzində aparılır.