Türkiyənin hakim Ədalət və İnkişaf Partiyası (AKP) sədrinin birinci müavini Numan Kurtulmuş İran İslam Respublikasının Xarici işlər nazirinin müavini Əli Bağeri Kani və onu müşayiət edən heyətlə görüşüb.

KAİM.az xəbər verir ki, bu barədə “TRT Haber” məlumat yayıb.

Bildirilib ki, görüş AKP-nin mərkəzi qərargahında baş tutub.

Qeyd edilib ki, Türkiyə ilə İran arasında siyasi, ticari və mədəni əlaqələrin inkişafı ilə yanaşı, Əfqanıstanda sabitlik, bölgə ölkələri arasında əməkdaşlıq və Qafqazda sülh kimi məsələlər müzakirə edilib.