"Gördüyünüz 22 avqust 2021-ci il (2021/08/22) tarixli nəqliyyat qaiməsində (CMR) aydın qeyd olunur ki, Təbrizdən Xankəndiyə bitum daşınır. Bitum adətən yol inşaatında işlədilir. Diqqətimi çəkən əsas məqam isə təyinat məntəqəsi kimi - STEPANAKERT, ARMENIA yazılmasıdır".

Qafqaz.media xəbər verir ki, bu sözləri tanınmış hüquşünas Aslan İsmayılov "Facebook" hesabında yazıb.

"İran dövlətinin rəsmi sənədində Azərbaycanın ərazi bütövlüyü tanınmır. Sənədin həqiqi olmasına şübhəm yoxdur, çünki bütün məlumatlar aydın qeyd olunub. Hesab edirəm ki, bütün olub keçənlərdən sonra bu sənədin ortaya çıxması İran hakimiyyətinin Azərbaycana hansı mövqedə durmasını gün kimi aydın göstərir", - vəkil bildirib.

Sonda "bu fotonu İranda yaşayan soydaşlarımıza göndərin", - yazan Aslan İsmayılovun açıqlamasından bəlli olur ki, İran rəsmiləri dəfələrlə sözdə Qarabağın Azərbaycan ərazisi olduğunu dilə gətirsələr də, rəsmi olaraq ölkəmizin ərazi bütövlüyünü tanımırlar. Hər halda, bu sənəd bütün həqiqətləri göz önünə sərir....