Az.shafaqna.com RİA-ya istinadən xəbər verir ki, Rusiya Federasiyası Çeçenistan Respublikasının başçısı Ramzan Kadırov Əfqanıstandakı hadisələri ABŞ-ın müsəlmanlara qarşı növbəti fırıldaq və kələyi adlandırıb.

“Amerika müsəlmanlara qarşı növbəti bir kələyini fikirləşib. Deyirdilər ki, heç vaxt oradan çıxmayacaqlar, indi isə hər kəsi ataraq qaçdılar. Təsəvvür edin, orada onillərdir insanlar ölür, orada 5 il qabaq artıq 2 milyondan çox dinc sakin həlak olmuşdu. İndi də nə qədər həlak olub. Yazıq insanlara əzab verirlər. Ben Laden də, “taliblər” də ABŞ layihəsidir”, – deyə o bildirib.

Kadırov deyib ki, buna görə də Rusiya ilə müttəfiq olan dövlətlər öz sərhədlərini möhkəmlədərək ən pis ssenariyə hazırlaşmalıdırlar.

“Odur ki, bizim üçün problem deyil, əmr olsa, dövlətimiz, suverenliyimiz, xalqımızı təhdid edən istənilən şəxsi durduracağıq”, – deyə o, əlavə edib.

“Qardaşlarımız olan özbəklər, taciklər, qırğızlar, türkmənlər – hər kəs ayıq-sayıq olmalıdır. Əfqanıstanla həmsərhəd olanlar üçün hazırda təhlükəlidir. Bunu cənab amerikalılar istəyirlər”, – deyə Kadırov bildirib.