Türkiyə Prezidenti Rəcəb Tayyib Ərdoğan “Azərbaycan Respublikası Hökuməti ilə Türkiyə Respublikası Hökuməti arasında energetika və mədənçilik sahələrində əməkdaşlıq haqqqında" Sazişi və “Azərbaycan Respublikası Hökuməti ilə Türkiyə Respublikası Hökuməti arasında müdafiə sənayesi sahəsində əməkdaşlıq haqqında” Sazişi təsdiq edib.

Oxu24.com -un xəbərinə görə, bu barədə Türkiyənin “Resmi Gazete”sində məlumat verilib.

Sazişlər imzalandığı gündən qüvvəyə minib.

Qeyd edək ki, “Azərbaycan Respublikası Hökuməti ilə Türkiyə Respublikası Hökuməti arasında energetika və mədənçilik sahələrində əməkdaşlıq haqqqında" Saziş 25 fevral 2020-ci il tarixdə Bakı şəhərində,“Azərbaycan Respublikası Hökuməti ilə Türkiyə Respublikası Hökuməti arasında müdafiə sənayesi sahəsində əməkdaşlıq haqqında” Saziş isə 2017-ci il oktyabrın 31-də Bakı şəhərində imzalanıb.