Rusiya Müdafiə Nazirliyinindən verilən açıqlamada rus sülhməramlı kontingentinin Dağlıq Qarabağda vəziyyətin gecə-gündüz izlənilməsi və atəşkəs rejiminə əməl olunmasına nəzarəti həyata keçirmək məqsədi ilə 27 müşahidə məntəqəsində fəaliyyət göstərdiyi qeyd olunub.

Məlumata görə, Rusiya sülhməramlıları noyabrın 23-dən bu günədək Qarabağda 530 hektar ərazini, 201 kilometrdən çox yolu minalardan təmizləyib, 751 tikilini yoxlayıb və partlayış təhlükəsi olan 23 530 obyekt aşkar olunaraq zərərsizləşdirilib.

Nazirlik açıqlamasında bölgədə hər hansı insidentin baş verməsi barədə məlumat açıqlamayıb.