Xərçəng hökm deyil, müasir tibb artıq onun bəzi növləri ilə, xüsusən də erkən mərhələlərdə necə davranmaq lazım olduğunu öyrənib. Bu ölümcül xəstəliyə ekrən mərhələdə diaqnoz qoymaq üçün bədənin insana göndərdiyi siqnallara diqqət yetirmək lazımdır.

Publika.az xəbər verir ki, bu sözləri onkoloq və hematoloq Debora Li "Britaniya tabloid Mirror"a verdiyi müsahibəsində deyib. O, bildirib ki, bu siqnallardan biri gecələr pisləşən ağrı ola bilər.

"Yuxu zamanı ağrının səbəbləri çox müxtəlif ola bilər. Lakin heç bir səbəb olmadan yuxuya gedən zaman narahatlıq çox həyəcanverici bir siqnaldır. Fakt budur ki, gecələr bədxassəli şişlər daha sürətlə böyüməyə başlayır. Üstəlik, horizontal vəziyyətdə yenitörəmə və ətraf toxumaların çəkisi dəyişir", - onkoloq vurğulayıb.

Li həmçinin qeyd edib ki, xərçəng xəstələrinin 38%-i yatmağa çalışarkən orta və ya şiddətli ağrılar yaşayır.

"İştahsızlıq və çəkinin azalması, halsızlıq və yorğunluq, ürəkbulanma və qusma, süstlük və qızdırma kimi xərçəngin digər əlamətləri də ola bilər", - mütəxəssis yekunda bildirib.

Aytən Məftun