Süni qida (smes) sənayesi qadınların sağlamlığını təhdid edir və ümumiyyətlə ana südü ilə qidalanmanı ikinci plana atır.

Publika.az xəbər verir ki, “Lancet” tibbi nəşrinin yazdığına görə, bu barədə Ümumdünya Səhiyyə Təşkilatının son araşdırmasında qeyd olunub.

ÜST xəbərdarlıq edib ki, smes sənayesinin marketinq taktikası istismar xarakteri daşıyır. Eyni zamanda qeyd olunub ki, ictimaiyyəti çaşdıran bəyanatların və siyasi müdaxilənin qarşısını almaq üçün mümkün qədər tez tədbirlər görülməlidir. ÜST-ə görə, bu, həm qadınların, həm də uşaqların sağlamlığını və hüquqlarını tapdalamaq deməkdir. Ümumdünya Səhiyyə Təşkilatının məlumatına görə, ana südü ilə qidalanmaq körpələr üçün əhəmiyyətli dərəcədə faydalıdır. Eyni zamanda dünyada yeni doğulmuş körpələrin yalnız yarısı ana südü ilə qidalanır və altı aylığına qədər uşaqların yarısından azı yalnız ana südü ilə qidalanır. ÜST xatırladıb ki, bu gün uşaqlar üçün qarışıqların satışının həcmi ildə 55 milyard dollara çatır.

Yeni doğulmuş körpələrin sağlam olması üçün ÜST ölkələri ana südü ilə qidalandırmağı təşviq etməyə çağırıb.