İngiltərənin Norfolk şəhərinin sakini, 65 yaşlı Qlin Vudvord həddən ziyadə kök, tosqun idi. 200,8 kq çəkisi olan Qlinə həkimlər arıqlamayacağı təqdirdə öləcəyini demişdilər.

Ailehekimiklinikasi.az Daily Mail-ə istinadən bildirir ki, Qlin ölümdən qurtulub. Mədə kiçiltmə əməliyyatına məruz qalan Q.Vudvord sonradan pəhriz saxlayıb, idmanla məşğul olub.

Nəticədə o, 127, 6 kq arıqlayıb.

Qlenin dediyinə görə, arıqlamağa qərar verəndə xanımı Cillian da onu dəstəkləyib və ərinə qoşulub. Ər-arvad "Slimming World" proqramına qatılandan sonra izafi çəkidən qurtulublar.

"O qədər kök, tosqun idim ki, evdən eşiyə çıxa bilmirdim. Həkimlər də dedilər ki, əgər arıqlamasam, həyatla vidalaşacağam. Ona görə də mədənin kiçildilməsi əməliyyatı yeganə çıxış yolum idi. Əməliyyatdan sonra sağlam rasiona keçdim, idman hərəkətləri etməyə başladım. Beləcə, arıqladım. Mənə qoşulan arvadım da arıqladı", - Qlen Vudvord söyləyib.