Stanford Universitetinin alimləri düşüncələr vasitəsilə ünsiyyət qurmağa imkan verən yeni texnologiya hazırlayıb.

Publika.az xəbər verir ki, beyin-kompüter interfeysi (BCI) vasitəsilə beynin “daxili səs” siqnalları süni intellektlə təhlil olunur və sözlərə çevrilir.

Məlumata görə, motor korteksinə yerləşdirilən mikroelektrodlar sayəsində insanlar heç bir fiziki hərəkət etmədən yalnız düşüncələri ilə danışa bilirlər. Sistem 125 min söz bazasında test edilib və 74 faizə qədər dəqiqlik göstərib.

Təhlükəsizliyi təmin etmək üçün “Chittychittybangbang” kimi xüsusi parol istifadə olunur. Bu, daxili düşüncələrin yalnız istifadəçinin icazəsi ilə açıqlanmasına imkan verir.

Mütəxəssislər bildirirlər ki, belə texnologiyalar gələcəkdə ünsiyyət imkanlarını genişləndirsə də, etik risklər də yarada bilər.