Yəmən Ərəbistan yarımadasının cənub-qərbində yerləşən və uzun illərdir müharibənin içində olan ərəb ölkəsidir. Buna görə də ora yalnız cəhənnəmdə Şeytanı görməyə tələsən çılğın turistlər gəlirlər.

Teleqraf.com xəbər verir ki, bu barədə “Ekspress” yazır.

Bununla belə, xarabalığa çevrilmiş bu ölkədə turistlərin nisbətən təhlükəsiz ola biləcəyi bir yer var - Hind okeanında Yəmən sahillərindən 380 km aralıda yerləşən Sokotra arxipelaqı. Bura çoxlu endemik - dünyanın heç bir yerində rast gəlinməyən nadir bitki və heyvanların vətənidir.

Əksər ölkələrin hökumətləri öz vətəndaşlarını Yəmənə səyahətdən çəkinməyə çağırsalar da, təcrübəli turoperatorlar Sokotra adasını turistlər üçün təhlükəsiz yer hesab edirlər. Çünki adada cinayətkarlıq səviyyəsi son dərəcə aşağıdır və hərbi qarşıdurma yoxdur.

Adaya Birləşmiş Ərəb Əmirlikləri (BƏƏ) ordusu nəzarət edir. Bu, adada sülhün əsas təminatçısıdır. Amma Sokotra formal olaraq Yəmənin bir hissəsi olaraq qalır.

Sokotra adası UNESCO tərəfindən biomüxtəlifliyinə görə qlobal əhəmiyyətə malik ərazi kimi təsnif edilir. Burada bitki növlərinin təxminən 40 faizinə dünyanın başqa heç bir yerində rast gəlinmir. Xüsusilə, adanın əlamətdar xüsusiyyəti həmişəyaşıl, yalnız Sokotraya aid endemik Əjdaha ağacıdır.

Sokotra sahillərində zümrüd rəngli qumlu çimərliklər var. Bura çimərlik tətili üçün idealdır.

Populyar turizm marşrutlarından uzaqlıq və əbədi müharibənin davam etdiyi Yəmənə aid olması adanın həm üstünlüyü, həm də dezavantajıdır. Burada çox turist olmur, ancaq turizm infrastrukturu var. Yaxşı bir otel tapmaq çətin məsələdir. Amma yeni təcrübələr üçün diqqət çəkir.