Orqanizmimizdə baş verən kiçik problemlərin öhdəsindən gəlmək üçün aşağıdakı məsləhətlərə riayət edin.

Dişiniz ağrıyırsa, buz parçasını baş və şəhadət barmağınız arasındakı v-şəkilli hissəyə sürtün. Əldəki keyimə diş ağrısının intensivliyini azaldacaq.

Həmsöhbətinizi səs-küylü məkanda dinləməli olduqda sağ qulağınızı ona tərəf çevirin. Çünki sağ qulaq sözləri daha yaxşı ayırd edə bilir, sol qulaq isə səs və musiqini yaxşı eşidir.

Nə qədər qəribə səslənsə də, artıq sübut olunub ki, iynədən qorxan insanlar iynə vurdurmadan əvvəl öskürməlidirlər. Belə ki, təcrübələr göstərib ki, gözlənilməz öskürək iynə dəriyə daxil olarkən insanın çəkdiyi ağrını azaldır.

Naharda tam doymusunuzsa və yeməkdən dərhal sonra yatmağa gedirsinizsə, mütləq sol tərəf üstə uzanın, belə ki, sağ tərəf üstə yatmaq mədənin qida borusundan yuxarıda olmağına səbəb olur. Bu zaman həzm edilmiş qida və mədə şirəsi qida borusuna düşə bilər ki, bu da qıcqırma və digər xoşagəlməz hisslərin yaranmağına səbəb ola bilər.

Əhvalınız pisdirsə, ağzınızda karandaşı sıxın. Bu hərəkət insanın gülərkən fəallaşan əzələlərini aktivləşdirir, beləliklə beyninizi “aldatmış ” olursunuz.

Su altında nəfəsinizi uzun müddət saxlamaq istəyirsinizsə, bir dərin nəfəsalma əvəzinə, bir neçə dəfə qısa nəfəs alın. Bu, beyni daha çox oksigen qəbul etdiyi barədə düşünməyə vadar edəcək, siz isə bir neçə artıq saniyə qazanacaqsınız.

Araşdırmalar göstərir ki, insan qanda CO2 səviyyəsi artdıqda hıçqırır. Buna görə də hıçqırığı dayandırmağın ilk üsulu 30 saniyə ərzində polietilen paketdə nəfəs almaqdır.

Ürəyiniz bulanırsa və sizə öyümə gəlirsə, biləyin iç tərəfində olan iki vətər arasındakı nöqtəyə basın.

Əliniz keyiyibsə, başınızı bir tərəfdən digər tərəfə doğru silkələyin. Bu, boyunda gərginliyi aradan qaldıracaq və əldə iynələmə hissini zəiflədəcək.

Əgər ayağınız keyiyibsə, o zaman ən yaxşısı, onun üzərində bir az gəzməkdir.

Görmə qabiliyyətinizi artırmaq üçün əlinizi yumruq şəklində sıxın və yaranan dəlikdən baxın. Bu, dar işıq şüalarının gözün torlu qişasına çatmağına, kəskinliyin dərinləşməyinə və fokusu (diqqəti) artırmağa imkan verir.

Qaçarkən böyürlərinizdə iynələmə hissi yaranırsa, çox güman ki, sağ ayağınız üstünə basarkən nəfəs alırsınız, bu isə qaraciyərə əlavə təzyiq göstərir. Bu ağrılı hissdən azad olmaq üçün sol ayağınızın üstünə basarkən nəfəs alın.

Samirə Tağıyeva, “İki sahil”