Böyük Britaniyada qəribə hadisə baş verib.

Metbuat.az xəbər verir ki, müştərinin təmir etmək üçün ustaya gətirdiyi oturacağın içindən kağız çıxıb. Piter adlı usta kağızdakı qeydləri oxuyanda dəhşətə gəlib. Məlum olub ki, qeydlər 1969-cu ildə yazılıb. Maraqlısı budur ki, qeydlərdə günümüzdə mövcud olan bir sıra müasir texnologiyalar barəsində məlumatlar detallı şəkildə yazılıb. Qeydlərə görə, məlumat azyaşlı qız tərəfindən yazılıb. O, hazırda istifadə edilən “Zoom” texnologiyasından ağıllı telefonlara qədər bir sıra yeniliklərdən bəhs edib. Yeniyetmə insanların gələcəkdə istehsal edəcəyi yeniliklər barədə də proqnozlar verib.

O qeyd edib ki, gələcəkdə istehsal edilən yeni saqqız nəticəsində insanların qida qəbul etməyə ehtiyacı olmayacaq. Usta, qızın yazdığı qeydləri paylaşandan sonra sosial mediada böyük kütlə tərəfindən izlənilib.