İllər ərzində qan damarlarının divarında müxtəlif zərərli maddələr yığılır. Yığılıb qalmış bu maddələr arteriya damarlarının daralmasına və qanın yaxşı işləməməsinə səbəb olur. Arteriya damarlarının daralması müxtəlif infeksiya xəstəliklərindən və xolesterinin çox olmasından baş verir, ürəkdə və beyində müxtəlif xəstəliklərin əmələ gəlməsinə səbəb olur.

Aztibb.az xəbər verir ki, damarların təbii yollarla effektiv təmizlənməsi üçün yonca toxumu effektiv vasitədir. Yonca toxumu qanda olan xolesterinin miqdarını azaldır və onları təmizləyir. Yonca toxumunun tərkibindəki liflər xolesterini və ödü udmaq qabiliyyətinə malikdir. Onun bu xüsusiyyəti arteriya damarlarında olan yağların və toksinlərin təmizlənməsinə səbəb olur.

Hazırlanması:

1 stəkan suya 1 çay qaşığı yonca toxumu əlavə edilib 5 dəqiqə qaynadılır. Qaynadıqdan sonra dəmləməni dadlandırmaq üçün 1 qaşıq bal əlavə edilir və qarışdırılır.

Qarışım səhər və axşam içilir. İçki səhərlər acqarına, axşamlar isə yatmazdan öncə qəbul edilməlidir.

Mütəxəssislər müalicə müddətində aşağıdakılara əməl etməyi məsləhət bilirlər:

- qida rasionundan yağlı yeməkləri çıxarmağı;
- şəkər qəbulunun miqdarı azaltmağı;
- siqaretdən uzaq durmağı;
- meyvə-tərəvəzlərdən çoxlu istifadə etməyi;
- gün ərzində 2-3 fincan yaşıl çay içilir;
- gün ərzində bir neçə qoz yeyilməlidir.

Dəmləmə ən az 1 ay hər gün içilməlidir.