Hazırda dövrümüzdə göbələklərin insan orqanizmində yayılması həddindən çox artıb. Mütəxəssislərin fikrincə, illərlə müalicə olunmasına baxmayaraq sağalmayan xəstəliklərin səbəbləri göbələklər də ola bilər.

Orqanizmdə göbələk patologiyaları 2 formada rast gəlinir. Xarici, yəni əllərdə, ayaqlarda, saçların dibində və s. yerlərdə parazitlik edən göbələklər və daxili, yəni mədə-bağırsaq, ağciyər, bronxlar, sidik yolları və s. orqanları zədələyən göbələklər aid edilir.

Müalicə üçün:

Əvvəlcə göbələklərin sevdiyi qidadan uzaq durmaq lazımdır. Müxtəlif şirniyyatları, ağ çörəyi, şirin qazlı içkiləri, üzərində kif əmələ gəlmiş yeməkləri qida rasionundan çıxarmaq lazımdır. Göbələklərin daxili orqanlara yayılmasının qarşısını alan ən yaxşı vasitə idmandır, yəni qaçış, sürətli yeriş və s. Bəzi qarışımlar da göbələyə qarşı faydalıdır. Bunlara sarımsaqlı qatığı aid etmək olar. Daxili göbələklərin müalicəsində 10 gün müddətində fasiləsiz sarımsaqlı qatıq yeyilməlidir. 10 gündən sonra 10 gün fasilə verib yenə 10 gün sarımsaqlı qatığı yemək lazımdır.

Bundan başqa, yeməkdən əvvəl sürtgəcdən keçirilmiş kələm və kökdən hazırlanmış salat yemək məsləhətdir. Salatın üzərinə rafinə olunmamış zeytun yağı və təbii alma sirkəsi tökməyi unutmayın.

Göbələyin müalicəsi üçün tövsiyə edilən resept:

Boymadərən – 100 qram

Çobanyastığı – 100 qram

Dazıotu – 100 qram

Qaraqınıq – 100 qram

Zəncəfil – 100 qram

Bitkiləri bir-birinə qarışdırın, qarışıqdan 2 xörək qaşığı 3 stəkan su tutan termosda dəmləyin, gündə 3 dəfə yeməkdən əvvəl 1 stəkan için.

2 ay boyunca gündə 2 dəfə (səhər, axşam) 1 xörək qaşığı təbii alma sirkəsini 1 stəkan çiy suya qarışdırıb yeməkdən 2 saat sonra için.

Daxili göbələklər üçün daha bir təsirli resept: 2 litrlik şüşə bankaya 200 qram yulaf tökün, üstünə 1 litr su, yarım litr kefir əlavə edin, ağzını tənziflə bağlayın, isti bir yerdə 3 gün saxlayın, sonra süzün, ağ bir qarışım əmələ gələcək. Onu soyuducuya qoyun, hər gün səhər tezdən məhluldan 2-3 xörək qaşığı götürüb 400 qram suya qarışdırıb gün ərzində için.

Uşaqlıq yolunda göbələk varsa, gigiyenik tamponu qara zirə yağında yarım saat saxlayın, sonra uşaqlıq yoluna qoyun, gündə 1 dəfə 2 saat saxlayın.