Arı çörəyi (Güləm) yeni süfrədən çıxmış arı balalarının 5 günlük yeməyidir. Olduqca az tapıldığından qiyməti də digər arı məhsullarından yüksəkdir, amma baha olduğu qədər də faydaları vardır. Güləm insan vücuduna bir enerji, güc verir. O qədər güclü təsiri vardır ki, qəbul etməyə başlayandan 1 gün sonra təsiri hiss olunur.

Aztibb.az xəbər verir ki, bu fikirləri həkim-fitoterapevt Fizuli Hüseynov bildirib.

"Qanazlığında, halsızlıqda, yorğunluqda, cinsi zəiflikdə, göz zəifliyində, tez-tez diş qanamalarında, sonsuzluqda, yaddaş pozğunluğunda, diqqətsizlikdə, xərçəng xəstəliyində, anemiyalarda, əsasən kiçik uşaqlarda iştahsızlıqda, süd verən analarda, süd azlığında, vərəm xəstəliyində, beyin damarların sklerozunda, dəri quruluğunda, zəif immunitetdə, yüksək xolesterində, dəri səpmələrində, sivilcələr, sızanaqlar, aknelərdə, saç tökülməsində və uzun sürən yorucu xəstəliklərdən sonra güləmin qəbulu insan orqanizmini sanki yeniləyir, bədənə yeni bir əhval-ruhiyyə gətirir", - deyə F.Hüseynov qeyd edib.

Həkim bildirib ki, daha çox zehni əməklə məşğul olanlar, imtahana hazırlaşan tələbələr mütləq bu nemətdən istifadə etməlidir. Güləmin həm də çox gözəl dadı vardır.

"Gündə 3 dəfə yeməkdən 30 dəqiqə əvvəl 1 çay qaşığı yeyilir və ya 200 qram güləm 1 kq bala qarışdırılır, qarışıqdan gündə 3 dəfə yeməkdən 1 saat əvvəl 1 çay qaşığı yeyilir. Güləmdən hamilə xanımlar istifadə etsələr həm uşağın beyin inkişafına səbəb olur, həm də ana hamiləliyini olduqca rahat keçirir".