Çay sodası həm daxili, həm xarici istifadə üçün faydalıdır. Lakin hər bir dərman kimi onun da artıq dozası öldürücü ola bilər. Əgər düzgün istifadə etsəniz, o çox yaxşı faydalı təsir edə bilər.

Milli.Az medicina.az-a istinadən bildirir ki, dietoloq Artem Leonov sodanın orqanizmə faydalarını açıqlayıb.

"O çox güclü qələviləşdirici effekt yaradır, orqanizmi təmizləyir, qanı oksigenlə zənginləşdirir. Soda ağciyərlərə yığılmış bərk bəlğəmi yumşaldır, boğazda, bronxlarda iltihabı götürür.

Bədənə skrab kimi çəkdikdə, vannaya əlavə etdikdə, dərin təmizləmə baş verir, dəri yumçalır, ölü toxumalar aradan gedir. Amma nəzarətsiz və çox miqdarda soda qəbulu mədənin turşu balansını pozur, böyrəklərdə daş yarada bilər, selikli qişaları zədələyir.

Ona görə soda az halda, çay qaşığının ucunda əvvəlcə suda söndürülərək, sonra bir stəkan ilıq suya əlavə edilib içilməlidir"