FDA yeni antibiotik olan Çefiderokolu qeydə alaraq icazəsinə müsbət rəy verib. Preparat yaşlılarda müxtəlif sidik yolları infeksiyalarının və xroniki infeksiyaların müalicəsi üçün hazırlanıb.

Milli.Az medicina.az-a istinadən bildirir ki, yeni antibiotik 449 pasiyent üzərində araşdırılıb. Preparatın tətbiqi 72% xəstədə 7 gün ərzində sağalmaya nail olub. Tədqiqatda digər qrup xəstəyə başqa alternativ antibiotik verilmişdi, yaxşılaşma cəmi 54% xəstədə qeydə alınmışdı.

Yeni antibiotikin geniş yayılmış əks təsirləri içərisində diareya, ürəkbulanma, qızarma qeydə alınmışdır.