Öz ölkəsində keşyu çərəz deyil, meyvə sayılır. Meyvə 2 hissədən ibarətdir - dadlı, şirin, bolqar bibərinə bənzər hissəsi və keşyu kimi tanıdığımız çərəz.

Təəssüf ki, meyvənin şirin hissəsini yalnız keşyunun vətəni olan Afrika və Cənubi Amerikada dadmaq mümkündür - meyvə çox tez xarab olur və onu uzaq məsafələrə daşımaq mümkün deyil.

Saglamolun.az bildirir ki, keşyu olduqca faydalı və müalicəvi məhsuldur. Elmdə keşyunun dişlərə və damaqlara olan müsbət təsiri təsdiq olunub - qoz diş emalını qoruyur, kariyesin inkişafının və damaqlarda iltihabın qarşısını alır.

Keşyu güclü afrodiziak sayılır. Keşyu kişilərdə cinsi gücü və cinsi həvəzi artırır, potensiya problemləri zamanı kömək edir.

Keşyu ürəyin sağlamlığını qoruyur, qanda xolesterolun səviyyəsini aşağı salır, damarları möhkəmləndirir. Mütəxəssislər ürək xəstəlikləri olan insanlara hər gün 5-6 keşyu yeməyi tövsiyə edirlər.

Keşyu əqli fəaliyyəti ilə məşğul olanlar üçün faydalıdır.

Keşyu immun sisteminə müsbət təsir edir, orqanizmin infeksya və mikroblara olan davamlılığını artırır.

Keşyunun vətənində bu çərəz tənəffüs sistemi xəstəlikləri zamanı istifadə olunur. Ondan dəmləmə hazırlayırlar.

Keşyu anemiya (qanazlığı) zamanı çox faydalıdır. Qanazlığından əziyyət çəkənlər üçün faydalı resept: 100 qr keşyu blenderdən keçirin, 5 x.q. balla qarışdırın və gün ərzində 2 dəfə acqarına 1 x.q. olmaqla qəbul edin. Bu qarışıq xəstəlikdən zəiflənmiş, əməliyyat keçirmiş insanlara da yaxşı kömək edə bilər.

Digər çərəzlərlə müqayisədə keşyu daha az hallarda allergiyaya səbəb olur.