İnternetdə saxta rəylər yazan insanların psixologiyası məlum olub.

Publika.az xəbər verir ki, “Journal of Business Research”də dərc olunan bir araşdırmada internetdə saxta rəy yazan şəxslərin necə bir psixologiyaya malik olmasından bəhs edilir.

Bildirilir ki, Böyük Britaniya və Sinqapurdan olan mütəxəssislər onlarla könüllü ilə bu istiqamətdə təcrübə aparıblar. Həmin könüllülərdən heç vaxt olmadıqları otellər haqqında həm müsbət, həm də mənfi rəylər yazmaq istənilib. Aparılan təcrübə nəticəsində neqativ rəy yazanların sonradan özlərini günahkar hiss etdiyi müəyyənləşib.

Qeyd olunur ki, müsbət rəy yazanlar çox vaxt “mən” şəxs əvəzliyindən istifadə edirlər. Neqativ rəy bildirənlər isə "biz" əvəzliyinin arxasında gizlənirlər, ümumiləşmə nümayiş etdirirlər.

“Yalan danışmağın təhlükəsiz olmadığını insanlar nəzərə almalıdır. Bu vərdiş bədəni tükəndirir, discomfort yaradır. Həmçinin, yalan danışanların əsəb xəstəliklərinə tutulma ehtimalı yüksəkdir”, - deyə araşdırmada vurğulanır.