"Söyüş söymək, yalnız emosiyalarınızı daha yaxşı ifadə etməyə kömək etmir, həm də həmsöhbətlər arasında inamı artırır".

Publika.az “The Times” nəşrinə istinadla xəbər verir ki, Böyük Britaniya və İsveç alimləri söyüşün əslində faydalı sosial və psixoloji konstruksiya olduğunu izah ediblər:

"Bu, həmsöhbəti güldürməyə, ağrı və qəzəbin öhdəsindən gəlməyə, sevinci ifadə etməyə kömək edir".

Alimlər söyüşün artıq vulqarlıq və ya aşağı zəkanın əlaməti hesab edilmədiyini bildiriblər. Araşdırmalara görə, söyüş güclü bir vasitə ola bilər, ancaq düzgün istifadə etmək vacibdir.

Alimlər söyüş haqqında 100-dən çox məqaləyə baxıblar və vulqar sözlərin digər dil formalarından fərqli və daha güclü olduğunu aşkar ediblər.