Danimarkada şəkərli diabetin risk faktorları ilə bağlı yeni araşdırma aparılıb. Saglamolun.az bildirir ki, araşdırmanın nəticələri Diabetologia nəşrində dərc olunub.

Araşdırma göstərib ki, 2-ci tip şəkərli diabetin ən ciddi risk faktoru piylənmədir. Piylənmə diabetin riskini 6 dəfə (!) artırır.

Həmçinin alimlər qeyd ediblər ki, genetik faktorlar bu xəstəliyin inkişafında onların əvvəllər fikirləşdiyindən daha az rol oynayır.

Əgər genetik faktordan əlavə insanda pis vərdişlər, qeyri-sağlam qidalanma, fiziki aktivliyin olmaması, piylənmə kimi mənfi faktorlar da varsa, şəkərli diabetin riski 14 dəfə (!) artır.

Lakin digər mənfi amillər olmadığı halda tək genetik amil şəkərli diabetin inkişafının riskini yalnız 2 dəfə artırır.

Araşdırmada 10 minə qədər insan iştirak edib.