"Acqarına soyuq su içmək həzm prosesini poza və mədəyə zərər verə bilər".
Milli.Az xəbər verir ki, bu barədə terapevt Anna Furqal TASS-a açıqlamasında səhərlər geniş yayılmış bu vərdişin sağlamlığa mənfi təsir göstərə biləcəyini bildirib.

Həkimin sözlərinə görə, yeməkdən əvvəl soyuq su içmək mədə üçün zərərli ola bilər və spazma səbəb ola bilər.

"Soyuq və xüsusilə buzlu su boş mədəyə düşdükdə spazm yarada bilər. Orqanizm mayeni isitmək üçün əlavə enerji sərf edir ki, bu da həzm prosesinə mənfi təsir göstərə bilər", - deyə o qeyd edib.

Bundan başqa, mütəxəssis səhərlər mütəmadi soyuq su içməyin diş minasına da zərər verə biləcəyini vurğulayıb.

Onun tövsiyəsinə görə, səhərlər otaq temperaturunda və ya bir qədər ilıq su içmək daha faydalıdır. Alternativ olaraq zəif çaylar və quru meyvə kompotları da daha uyğun hesab olunur.