Bu problemlə bir çox insanlarda rast gəlinir. Bu xoşagəlməz halın səbəbləri arasında:

- Bəzi dərman preparatların qəbulu (antibakterial preparatlar, arterial təzyiqi normallaşdıran prepartalar, qalxanvari vəzi hormonları, çəkərli diabet zamanı istifadə edilən preparatlar və s.).

- Sinir sistemi pozulmaları. Periferik sinirlərdə pozulmalar dadbilmənin dəyişilməsinə səbəb ola bilər (o cümlədən, ağızda acı dad hiss oluna bilər).

- Stomatoloji problemlər (karies, damaqların xəstəlikləri və s.).

- LOR orqanlarının xəstəlikləri (zökəm, haymorit və s.).

- Qanda şəkərin səviyyəsinin artması. Bu insanda şəkərli diabetin inkişafından xəbər verə bilər. Endokrinoloqa müraciət etmək lazımdır.

- Qalxanvari vəzi fəaliyyətində pozulmalar da ağızda acı dadın əmələ gəlməsinə səbəb ola bilər.

- Hamiləlik zamanı qadının orqanizmində ciddi dəyişikliklər baş verir. Bu isə qadında ürəkbulanmasına, qusmaya, ağızda acı dadın əmələ gəlməsinə səbəb ola bilər.

- Qida borusunu ilə mədənin arasında xüsusi qapaq var. Bu qapaq qidanı mədədən geriyə qida borusuna düşməyə mane olur. Lakin bəzi xəstəliklər zamanı bu qapaq zəifləyir və mədədə olan qidanın və mədə şirəsinin bir hissəsi qida borusuna düşür. Buna reflyüks deyilir. Bu isə qıcqırmaya, ağızda acı dada səbəb olur. Bu kifayət qədər təhlükəli haldır. Mədədən qida borusuna düşən kütlə onun divarlarını yandırır və burada eroziyaların və yaraların əmələ gəlməsinə səbəb olur.

- Öd kisəsi xəstəlikləri, qara ciyərin fəaliyyətinin pozulmaları ağızda acı dadın olmasına səbəb ola bilər.

- Mədə fəaliyyətinin pozulması özünü ağızda acı dad, mədə nahiyəsində diskomfort, köp, iştahanın azalması kimi simptomlarla büruzə verə bilər.

Milli.Az