Polşa əhalisinin 94 faizi Rusiyanı ciddi təhlükə hesab edir və ona qarşı əməliyyatlara hazır olduqlarını bildirir.

Publika.az xəbər verir ki, bu barədə “Stars and Stripes” nəşri yazıb.

Nəşr qeyd edir ki, hazırda Polşa Müdafiə Nazirliyi mülki vətəndaşların da cəlb olunduğu “ordu ilə qatar” adlı təlimlər keçirir. Oktyabr və noyabr aylarında təlimlərdə 18 yaşdan 65 yaşa qədər 3500-dən çox Polşa vətəndaşı iştirak edib.

“İnsanlar həyacan sirenalarının səsinə necə reaksiya verməyi, həqiqi silahdan və qaz maskasından istifadə etməyi öyrənirlər”, - Müdafiə Nazirliyinin sözçüsü Maykl Tomkzuk deyib.

Hazırda 10 minə yaxın ABŞ əsgəri də Polşa ərazisinə yerləşdirilib.