“Rusiya strateji aviasiyası Ukraynaya raketlər atıb. Hava hücumundan müdafiə sistemi eyni anda bir neçə istiqamətdə işləyir. Raket zərbələri təhlükəsi var”.

Publika.az xəbər verir ki, bu barədə UNİAN məlumat yayıb.

Nikolaev Vilayət Dövlət Administrasiyasının rəhbəri Vitali Kimin sözlərinə görə, Rusiya ən azı 9 Tu-95 bombardmançı təyyarəsini səmaya qaldırıb. Mariupol yaxınlığında aviasiya ən azı 5 raket atıb. Kim bildirib ki, cənubdan və şərqdən qırıcılar uçur.

Kimin sözlərinə görə, cənub raket zərbələri təhlükəsi ilə üzləşib. Raketlər Odessaya uçur.

Dnepropetrovsk Vilayət Dövlət Administrasiyasının rəhbəri Nikolay Lukaşuk regionda raket təhlükəsinin olduğunu bildirib. Hava hücumundan müdafiə sistemləri hazır vəziyyətə gətirilib.

Eyni zamanda, Kiyev Regional Dövlət Administrasiyasının rəhbəri Aleksey Kuleba da bölgədə raket zərbələri təhlükəsi barədə xəbərdarlıq edib.

“Bölgəyə raket hücumu təhlükəsi var. Sığınacaqlarda və təhlükəsiz yerlərdə qalın”, - Kuleba bildirib.

Poltava vilayətinin ictimaiyyəti partlayış səsləri barədə məlumat verib.

Ukrayna Prezident Aparatının rəhbəri Andrey Yermak qeyd edib ki, Avropa Parlamenti Rusiyanı terrorizmin himayədarı kimi tanıdıqdan dərhal sonra raket atılıb: “Terrorçular dərhal terrorçu olduqlarını təsdiqləyirlər - raket atırlar”.