Kəskin koronar sindroma ÜİX-nin kəskin formaları aiddir: qeyri-stabil stenokardiya və miokard infarktı
Koronar sindrom ilkin diaqnozdur, həkimə diaqnostik və müalicəvi tədbirlərin sırası və təxirəsalınmazlığını təyin etməyə imkan verir
KKS-un iki varianta bölünməsi ilk növbədə müalicə tədbirlərinin başlanmasına görə vacibdir: ST seqmentinin qalxması ilə olan KKS-da trombolitik müalicə göstəriş olduğu halda ST seqmentinin qalxması müşahidə olunmayan KKS-da isə trombolitik müalicə göstrəriş deyildir
KKS birbaşa səbəbi miokardın oksigenlə tələbatı və təminatı arasında yaranan uyğunsuzluq nəticəsində yaranan miokardın kəskin işemiyasıdır.
Bu uyğunsuzluğun morfoloji əsası çox vaxt koronar arteriyaların aterosklerotik düyünün partlaması və ya laylanması ilə olan aterosklerotik zədələnməsi,trombun əmələ gəlməsi və koronar arteriyalarda trombositlərin aqreqasiyasının artmasıdır.
Arterial hipertenziya, taxiaritmiya, hipertermiya, hipertireoz, intoksikasiya, anemiya və s. kimi vəziyyətlər ürəyin oksigenə tələbatı artırır və oksigen çatdırılması azalır.
Kardiomiositlər aerob metabolizmdən anaerob metabolizmə keçirlər. Anaerob metabolizm məhsullarının toplanması baş verir, bu da onurğada periferik ağrı reseptorlarını aktivləşdirir. Ağrı sindromu inkişaf edir, katexolaminlər ifraz olunur. Taxikardiya meydana çıxır, sol mədəciyin diastolik dolma zamanı qısalır və miokardın oksigenə tələbatı daha da artır. Nəticədə miokardın işemiyasının dərinləşməsi baş verir.
KKS “yaralanmış” düyünün iltihabı və partlaması ilə başlayır. Iltihab zamanı makrofaqların, monositlərin və T-limfositlərin, ilhtihab sitokinlərinin məhsulları və proteolitik fermentlərin sekresiyasının aktivləşməsi müşahidə edilir. Nəticədə düyünün kapsulasının zədələnməsi və partlaması baş verir.
KKS təzahür formaları.
-Anginoz tutma və ya onun ekvivalenti;
-ST seqmentinin davamlı qalxması;
-EKQ-da ilk dəfə müəyyən edilən Hiss dəstəsinin sol ayaqcığının blokadası (tutmadan sonra ilk 6 saat ərzində);
-Miokardın nekroz markerlərinin yüksəlməsi (müsbət protrombin testi).
Belə klinik şəkil, EKQ və laborator göstəricilər xəstədə koronar arteriyanın kəskin tam trombotik okklüziyasını təsdiq edir.
Çox vaxt xəstəlik miokard infarktı kimi ST seqmentinin qalxması ilə başlayırsa sonradan Q dişi formalaşır.
KKS zamanı ağırlaşma və ölüm riski klinik, elektrokardioqrafik, biokimyəvi göstəricilər və müalicəyə reaksiyaya əsasən təyin edilir.