Stokholm İqtisad Məktəbinin professoru Maqnus Soderlund rasiona qeyri-adi məhsulun - insan ətinin əlavə edilməsini təklif edib.

Milli.Az qafqazinfo-ya istinadən xəbər verir ki, bu barədə o, İsveçin paytaxtında keçirilən konfrans zamanı danışıb.

Soderlundun sözlərinə görə, qidada meyitlərdən alınan ətin istifadəsi gələcəkdə insanlığı aclıqdan xilas edə bilər.

"Mövzu ilə bağlı müəyyən dərəcədə qərarsızlıq hiss etsəm də, məsələyə konservativ yanaşmıram. Deməliyəm ki, onu ən azı sınamağa hazıram", - professor bildirib.

Xatırladaq ki, daha əvvəl italiyalı alimlər insanları qidalarında həşəratlardan tez-tez istifadə etməyə səsləyib. Onların sözlərinə görə, bu cür qida tam şəkildə əti əvəzləyə bilər.