2020 G20 Liderlər Zirvəsinin ev sahibi bəlli olub.

Ailehekimiklinikasi.az publika.az-a istinadən xəbər verir ki, bu, Səudiyyə Ərəbistanıdır.

SPA rəsmi agentliyinin informasiyasına görə, Kral Salman ibn Əbdüləzizin rəhbərliyi ilə 15-ci G20 zirvəsi 21-22 noyabr tarixlərində paytaxt Ər-Riyadda baş tutacaq.

Zirvə üzv ölkələrlə münasibətləri inkişaf etdirmək, gündəmdəki beynəlxalq iqtisadi problemlərə birgə həll tapmaq və dünya iqtisadiyyatını sabitliyə qovuşdurmaq məqsədilə keçiriləcək. Zirvədə iqtisadi, qlobal, enerji, ətraf mühit, iqlim, ticarət və təsərrüfat kimi mövzular müzakirə olunacaq.

Qeyd edək ki, bununla G20 Liderlər Zirvəsi ilk dəfə bir ərəb ölkəsində qonaq olacaq.

Dünya əhalisinin üçdən ikisinin yaşadığıı G20 ölkələri qlobal iqtisadiyyatın 85, qlobal ticarətin 75%-ni təşkil edir. G20-yə Almaniya, Argentina, Avstraliya, Braziliya, Çin, İndoneziya, Fransa, Cənubi Afrika, cənubi Koreya, Hindistan, İngiltərə, İtaliya, Yaponiya, Meksika, Kanada, Rusiya, Səudiyyə Ərəbistanı, Türkiyə və Avropa İttifaqı daxildir.