İsrail ordusu "Üfüq qalxanı" əməliyyatı çərçivəsində 42 gəmidən ibarət Sumud flotilasına nəzarəti təmin edib.

Teleqraf xəbər verir ki, bu barədə İsrail Müdafiə Qüvvələrinin (SAXAL) mətbuat xidməti məlumat yayıb.

"İsrail Hərbi Dəniz Qüvvələrinin şəxsi heyəti Qəzza zolağının qanuni dəniz blokadasını pozmaq üçün nəzərdə tutulmuş 42 gəmidə yüzlərlə insanın genişmiqyaslı müdaxilə cəhdinin qarşısını alıb", – məlumatda vurğulanıb.

Qeyd olunub ki, aksiya iştirakçılarının hamısı saxlanılaraq Aşdod limanına aparılıb və polis orqanlarına təhvil verilib.

Qeyd edək ki, 37 ölkədən 200-dən çox üzvü olan 21 gəmidən ibarət Sumud donanması avqustun sonunda Barselona limanından çıxıb. İsrail Hərbi Dəniz Qüvvələri donanmanı 1 oktyabrda Qəzza zolağından 130-150 kilometr aralıda saxlayıb və fəalları girov götürüb.