Ermənistanın Baş naziri Nikol Paşinyan “Öyrənmək – bu dəbdədir” hərəkatı çərçivəsində keçirdiyi “Bilmək necədir” və “Həqiqi Ermənistan ideologiyası” adlı mühazirələrində cəmiyyətdə müzakirə olunan bütün məsələləri açıq şəkildə müzakirə etdiyini bildirib.

Ölkə.Az-ın xəbərinə görə, o, sosial şəbəkədə yazıb ki, dərslərində ona qarşı səslənən sərt ittihamlara — “Türk çəkmələrini yalayır?”, “Qarabağı satıb?”, “Tariximizdən üz döndərir?”, “Milli kimliyimizi dəyişdirmək üçün kənar mərkəzlərin göstərişi ilə hərəkət edir?” kimi suallara cavab verir.

O, həmçinin belə fikirlər səsləndirən sosial media istifadəçilərini dərslərə qatılmağa dəvət edib:

“İnternetdə bu cür suallar verən və ittihamlar irəli sürən hər kəsi “Öyrənmək – bu dəbdədir” hərəkatının görüşlərinə qatılmağa çağırıram. Qeydiyyatdan keçin, gəlin. Əminəm ki, bütün suallarınıza cavab tapacaqsınız. Hörmətlə, görüşənədək,” — deyə Paşinyan əlavə edib.