Pilotsuz təyyarələr genişmiqyaslı müharibənin ən cəsarətli əməliyyatlarından birində Rusiya aviasiyasının ürəyinə – nüvə silahı daşıya bilən strateji bombardmançıların olduğu bazalara hücum edib.

Publika.az xəbər verir ki, bu barədə “The Washington Post” yazıb.

On təyyarə, o cümlədən A-50, Tu-95, Tu-22M3 və Tu-160 modelləri - Ukraynaya gecə hücumları üçün istifadə edilən strateji bombardmançılar məhv edilib.

"Bu əməliyyat reallıq qavrayışını tamamilə dəyişir - həm Rusiyada, həm də dünyada. Düşmənlərimiz indi etiraf etməyə məcburdurlar ki, Ukrayna kəşfiyyat xidmətləri hətta ən qorunan obyektlərə belə nüfuz etməyə qadirdir", - deputat və hərbi zabit Roman Kostenko bildirib.

Təhlilçilər bildirirlər ki, zərbə Rusiyanın Ukraynaya qanadlı raketlər buraxmaq qabiliyyətini əhəmiyyətli dərəcədə zəiflədir və bu, Moskvanı öz hava qüvvələrini müdafiə etmək üçün resursları köçürməyə məcbur edir. Bununla belə, Qərb ekspertləri Rusiyanın hələ də zərbələri davam etdirmək üçün kifayət qədər təyyarəsinin olduğunu bildirir.

Keçmiş müdafiə naziri Aleksey Reznikov xatırladıb ki, Ukrayna vaxtilə bu bombardmançı təyyarələri nüvə tərksilah müqaviləsi çərçivəsində Rusiyaya təhvil verib.

Onun sözlərinə görə, 2025-ci il iyunun 1-də Ukrayna memorandumun əsas təminatçılarından birindən eyni təyyarələri müsadirə etməyə başladı və bunu "hərbi-hüquqi sanksiyaların bir forması" adlandırıb.

Keçmiş ukraynalı məmurlardan biri əməliyyatı cəmiyyət və əsgərlər üçün “kütləvi sarsıntı” kimi qiymətləndirərək, Kiyevin Moskva ilə istənilən kompromislərə qarşı mövqeyini gücləndirib:

"Biz yaxın gələcəkdə güzəştə getməyə daha az meylliyik. Və görünür, hansısa kompromis müharibəni dayandırmaq üçün yeganə yoldur”.

Bununla belə, o əlavə edib ki, hücum Ukrayna ordusunun reputasiyasını kəskin şəkildə artırıb və “tarix kitablarında təsvir olunmağa layiqdir”.

Rusiyalı politoloq Vladimir Pastuxov hesab edir ki, Putin dalana dirənib.

“Hörümçək toru” əməliyyatı 2025-ci il iyunun 1-də Ukrayna Təhlükəsizlik Xidməti və Baş Kəşfiyyat İdarəsinin həyata keçirdiyi genişmiqyaslı xüsusi əməliyyatdır. Əməliyyat zamanı Rusiyanın arxa cəbhəsinin dərinliklərindəki ən azı beş Rusiya aerodromuna pilotsuz uçuş aparatları ilə zərbələr endirilib. Bunun üçün partlayıcı maddələr olan FPV dronları gizli yolla Rusiyaya gətirilib, yük maşınlarında və evlərin damları altında maskalanıb, sonra isə uzaqdan işə salınıb.