Budapeşt Azərbaycan və Ermənistan arasında sülh sazişinin imzalanması mərasimini qəbul etməyə hazırdır.

Globalinfo.az xəbər verir ki, bunu Macarıstan xarici işlər naziri Peter Siyarto deyib.

“Bu, şübhəsiz ki, tarixi bir hadisə olacaq. Macarıstan belə mühüm bir sənədin imzalanmasına ev sahibliyi etməkdən qürur duyar”, – deyə o, Ermənistan İctimai Televiziyasına müsahibəsində bildirib.

Siyarto danışıqlarda irəliləyişin əldə olunacağına və müqavilənin yaxın gələcəkdə imzalanacağına ümid etdiyini bildirib. O bildirib ki, Macarıstan tərəflərə təzyiq göstərmək niyyətində deyil, çünki bu, əldə olunmuş irəliləyişlərə zərər verə bilər.

“Belə hallarda həddindən artıq israr mənfi nəticə verə bilər, lakin ehtiyac yarandıqda Macarıstan vasitəçi kimi nəzərdən keçirilə bilər”, – deyə Siyarto qeyd edib.