Ukraynada heç bir atəşkəs olmayacaq, çünki Kreml bunda maraqlı deyil və hələ də Kiyevin təslim olmasını tələb edir. ABŞ prezidenti isə Moskvanı sülhə məcbur etmək üçün sanksiyalar tətbiq etmək istəyi göstərmir.

Axar.az xəbər verir ki, bu barədə “Politiko” nəşrində Ceymi Dettmerin məqaləsində bildirilib.

Onun fikrincə, Rusiya nümayəndə heyətinin İstanbulda məhz 1700–1721-ci illərdə İsveçlə olan müharibəni yada salması təsadüfi deyil – bu, Ukraynaya onilliklərlə sürəcək bir mübarizə ilə hədə-qorxu gəlmək idi:

“Putin özünü yeni I Pyotr kimi təsəvvür edir, onun hətta Nazirlər Kabinetinin zalında 18-ci əsr çarının bürüncdən heykəli də var. Putin yəqin düşünür ki, yalnız uzunmüddətli hərbi əməliyyatlar deyil, həm də sonu görünməyən danışıqlar ona Ukraynada revanşist hərbi məqsədlərinə çatmaqda kömək edə, bu da ABŞ Prezidenti Donald Trampın sülh razılaşmasına nail olmaq istəyini zəiflədə bilər”.