Ermənistan hökumətinin tərkibində dəyişikliklər gözlənilir.

Globalinfo.az xəbər verir ki, bu barədə “Joxovurd” qəzeti məlumat yayıb.

Bildirilib ki, ölkənin baş naziri Nikol Paşinyan əhəmiyyətli yeniliklər etmək qərarına gəlib.

“Son həftələr dövlət qurumlarında gərgin ab-hava müşahidə olunur. Müxtəlif strukturlarda irimiqyaslı yoxlamalar aparılır. Əvvəlki illərdən hesabatlar və rəsmi yazışmalar da daxil olmaqla, çoxsaylı sənədlər tələb olunur. Dosyelər toplanaraq Paşinyana şəxsən təqdim olunur”, – nəşr yazıb.

Məlumata görə, artıq bəzi məmurlara xəbərdarlıq edilib:

“Onlar sürprizlərə hazır olmalıdırlar. Nikol komanda yoldaşlarına yerli prosedurlara ciddi əməl etmələri və diqqətli olmaları barədə açıq mesaj verib. Genişmiqyaslı “təmizləmə əməliyyatı”nda hədəfin kim olacağı hələlik bəlli deyil”.