Macarıstan Beynəlxalq Cinayət Məhkəməsindən çıxmağı nəzərdən keçirir.

Globalinfo.az xəbər verir ki, bu barədə Macarıstanın “Azadlıq radiosu” məlumat yayıb.

Bu qərar İsrailin Baş naziri Benyamin Netanyahunun Macarıstana səfəri fonunda verilib.

Macarıstan mətbuatının verdiyi məlumata görə isə, əgər Macarıstan Beynəlxalq Cinayət Məhkəməsindən çıxmaq barədə yekun qərar qəbul edərsə, bu proses uzun çəkəcək və təxminən bir il davam edə bilər. Hökumət parlamentə üzvlüyün dayandırılması ilə bağlı qərar layihəsini təqdim etməyi planlaşdırır və əgər parlamentin çoxluğu bu təklifi qəbul edərsə, rəsmi olaraq çıxma barədə elan ediləcək.

Avropa Komissiyasının mətbuat katibi Anita Hipper yuxarıda qeyd edilən xəbərləri şərh edərkən bildirib ki, Komissiya bu ölkənin belə bir niyyət barədə rəsmi bildirişi almamışdır.

“Əgər bu doğrudursa, biz dərindən təəssüflənərik”, – deyə o əlavə edib.