“Ukrayna ordusu ən ölümcül silahları Böyük Britaniya, Kanada, Almaniya və İtaliyadan alır”.

Globalinfo.az xəbər verir ki, bunu TASS-a müsahibəsində Rusiya Federasiyası İstintaq Komitəsinin sədri Aleksandr Bastrıkin deyib.

“Müdafiə Nazirliyi ilə birlikdə xarici silah və digər texnikanın tədarükü faktlarını sənədləşdiririk. Qeyd etdiyim yerlərin sırasına Rumıniya, Estoniya və bir sıra başqa Avropa ölkələri də daxildir”.

Onun sözlərinə görə, “Storm Shadow” qanadlı raketləri, artilleriya mərmiləri və qurğuları, tank, minaatan mərmiləri, aviasiya bombaları və patronlar Avropadan tədarük edilir:

“Bundan əlavə, Ukrayna Silahlı Qüvvələri təkcə döyüş əməliyyatlarında deyil, həm də mülki hədəflərə hücumlarda geniş istifadə olunan pilotsuz təyyarələr alır”.