Ermənistan Baş naziri Nikol Paşinyanın 4 kəndin Azərbaycana qaytarılacağı ilə bağlı açıqlaması bu ölkədə revanşist və müharibə cinayətkarlarını təşvişə salıb.

Teleqraf.com xəbər verir ki, vaxtilə Azərbaycana qarşı işğalçılıq siyasətinin müəllifi olan canilər hədlərini aşan fikirlər səsləndirməyə başlayıblar.

Keçmiş müdafiə naziri, Xocalı cəlladı Seyran Ohanyan da 4 kəndinin qaytarılmasına etiraz edənlər arasındadır.

Təxribatçı şüarlarında bir qədər də irəli gedən Ohanyan ordunu Paşinyanın əmrlərinə tabe olmamağa çağırıb:

“Ordu (kəndlərdən) çıxma əmrinə tabe olmaya bilər. Cinayət prosesində iştirakdan imtina hər bir insanın hüququdur. Sərhədi qorumaqdan imtina etməməliyik, sadəcə qanunsuz sifarişləri yerinə yetirməmək lazımdır”.

Xocalı soyqırımının müəllif, təşkilatçı və iştirakçılardan biri olan Seyran Ohanyan Azərbaycana qarşı törətdiyi digər cinayətlərdən də məsuliyyət daşıyır. Serj Sərkisyan, Robert Köçəryan və digər canilərlə birlikdə... Əlbəttə, ordu əmrə tabe olmasa, Ohanyan nə olacağını da bilir. 44 günlük müharibə uzaq tarixin olayı deyil.

Müəllif: Mənsur Rəğbətoğlu