"ABŞ Ukraynaya "F-16" qırıcıları göndərəcək, lakin onların çatdırılması bir neçə ay çəkə bilər".
Publika.az TASS-a istinadla xəbər verir ki, bunu ABŞ dövlət katibi Entoni Blinken deyib .
Onun sözlərinə görə, qırıcıların tədarükü ilə bağlı qərar operativ şəkildə qəbul edilsə belə, "F-16"ların Ukraynada istifadəyə başlaması bir neçə ay çəkəcək: "Belə bir müddət qırıcılara texniki xidmət göstərilməsi, pilotların isə təlim keçməsi ilə bağlıdır".
"Qəbul edərkən onlarla lazımi qaydada təlim keçirilməsinə, bu təyyarələrə texniki qulluq göstərə bilmələrinə və onlardan ağıllı şəkildə istifadə etmələrinə diqqət yetirmək vacibdir.", - Blinken deyib
Bundan əvvəl ABŞ prezidentinin milli təhlükəsizlik üzrə köməkçisi Ceyk Sallivan bildirmişdi ki, yaxın həftələrdə ukraynalı pilotların Amerikanın "F-16" qırıcılarını idarə etməsi üçün təlimlərə başlanılacaq.