Qazaxıstan Prezidenti Kasım Jomart Tokayev bu il Sankt-Peterburq Beynəlxalq İqtisadi Forumunda (SPIEF) iştirak etməyəcək.

Publika.az xəbər verir ki, bu barədə "Reuters" ölkə hökumətinin mətbuat xidmətinə istinadla məlumat yayıb.

Bildirilir ki, forumda Qazaxıstanı baş nazirin müavini Roman Sklyar və iqtisadiyyat nazirinin müavini Timur Jaksılıkov təmsil edəcək.

Sankt-Peterburqda keçirilən tədbirlərdə dövlət başçısının iştirak etməməsinin səbəbləri barədə məlumat verilmir.

Tokayev 2022-ci ildə SPIEF-in plenar iclasında iştirak edib və bu iclasda bir sıra yüksək səviyyəli bəyanatlar verib. Xüsusilə, DXR və LXR-in müstəqilliyini tanımaqdan imtina edib.

Həmçinin, bir sıra mənbələr Kremlin Aleksandr Nevski ordenini Tokayevə təqdim etmək niyyətində olduğunu bildirsə də, o, mükafatdan imtina edib.

Rusiya Federasiyası Prezidentinin mətbuat katibi Dmitri Peskov daha sonra bəyan edib ki, heç kim Tokayevi mükafatlandırmaq fikrində deyil.

Hüseyn İbadlı