Ukraynada Krımı və Donbası işğaldan azad etmək üçün hərbçi, polis və sərhədçilərdən ibarət hücum briqadaları "Hücum qvardiyası" adı altında birləşib. O hər an hücuma hazırdır.

Publika.az xəbər verir ki, bu barədə Ukrayna Daxili İşlər Nazirliyinin rəhbəri İqor Klimenko məlumat verib.

"Bu günə qədər səkkiz briqada yaradılıb və biz aktiv hücum tədbirlərinə hazırıq", - daxili işlər naziri bildirib.

Fevralın əvvəlində Klimenko hücum briqadalarının layihəsinin "Hücum Mühafizəsi" adlandırıldığını açıqlamışdı.

Onun altı mövcud bölməni - "Qasırğa", "Krasnaya Kalina", "Kara-Dağ", "Rubej", "Spartan" və "Azov"u birləşdirəcəyi planlaşdırılır.

Həmçinin onun tərkibinə Ukrayna Dövlət Sərhəd Xidmətinin yeni yaradılmış “Polad Sərhəd” briqadası və Milli Polisin “Qəzəb” hücum briqadası da daxil olacaq.