Şimali Koreya lideri Kim Çen In ərzaq ehtiyatlarınım yaxşılaşdırılması və iqtisadiyyatın kənd təsərrüfatı sektorundakı problemləri müzakirə etmək üçün partiya rəsmiləri ilə təcili iclas çağırıb.

Bu barədə Publika.az "Reuters"ə istinadən xəbər verir.

Bu, ölkə hökumətinin ərzaq çatışmazlığından qorxması ilə bağlıdır. Bildirilir ki, görüşün əsas mövzusu “kənd təsərrüfatının inkişafı üçün düzgün strategiyanın hazırlanması ilə bağlı çox mühüm və təxirəsalınmaz vəzifə” olub.

Şimali Koreyada ərzaqla bağlı vəziyyət yəqin ki, pisləşib. Cənubi Koreya rəsmiləri görüşü KXDR-də ciddi ərzaq qıtlığının faktiki etirafı kimi qeyd ediblər.

Keçən ay Şimali Koreyanı izləyən "38 North" proqramı, KXDR-də ərzaq ehtiyatlarının səviyyəsinin insan ehtiyacları baxımından yəqin ki, minimum səviyyədən aşağı düşdüyünü və ərzaq təhlükəsizliyinin vəziyyətinin 1990-cı ilin aclığından sonra daha da pisləşdiyini söyləyib.