İrandan narahatedici xəbərlər gəlir.

KONKRET.az xəbər verir ki, bunu İranşünas Tiqran Davudyan yazıb. O bildirib ki, İranda ölkənin milli valyutası rial-tümən dəqiqəbədəqiqə ucuzlaşır.

“İrandan narahatedici xəbərlər gəlir.

Azad bazarda bir ABŞ dollarının qiyməti 60 min tüməni keçib və məhdud sayda 42 min tümənə satılır. Cənab Rəisi prezident seçiləndə bir ABŞ dolları 26 min tümənə dəyişdirilirdi.

Ekspertlər bunu ABŞ və Aİ sanksiyalarının sərtləşdirilməsi, dolların İraq və Birləşmiş Ərəb Əmirliklərinə girişinin məhdudlaşdırılması ilə əlaqələndirirlər.

Bu dalğalanmalar Ermənistanda yaşayan bəzi iranlıların gündəlik həyatına da təsir edir. İran mallarının idxalçıları super qazanc əldə edir.

İranda maaş və ya təqaüdlə yaşayanlar isə problem yaşayırlar. Bu vəziyyət Ermənistanın turizminə də təsir edəcək və güman edirəm ki, mart ayında iranlı qonaqlarımız azalacaq”, – deyə Davudyan təəssüflənib.