Türkiyədə “əsrin fəlakəti” hesab olunan zəlzələnin baş verməsindən sonra Mədən Tədqiqatları və Araşdırmaları Mərkəzi (MTA) tektonik qırılmaların ola biləcəyi ərazilərin xəritəsini hazırlayıb.

Publika.az xəbər verir ki, MTA-nın xəritəsi 5,5 baldan yüksək ola biləcək zəlzələ ocaqlarını əhatə edir.

Xəritəyə əsasən Türkiyədə 5,5 baldan yüksək ola biləcək 485 zəlzələ ocağı var. Ümumilikdə 42 vilayət və 110 rayon aktiv qırılma xətlərinin üzərində yerləşir. Ağsaray, Aydın, Balıkəsir, Bolu, Burdur, Bursa, Bingöl, Dənizli, Əskişəhər, Ərzincan, Ərzurum, Hakkari, Hatay, İzmir, Qəhrəmanmaraş, Manisa, Konya, Kocaeli, Muğka, Osmaniyə, Sakarya, Tokat kimi vilayətlər belə bölgələrdəndir.